Please ensure Javascript is enabled for purposes of website accessibility

Press-relizlər

“ASAN xidmət”də beynəlxalq tərəfdaşlarla görüş


            25 aprel 2019-cu il tarixində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev ABŞ Beynəlxalq İnkişaf Agentliyinin (USAID) Azərbaycan üzrə missiyasının direktoru Caydev Sinqx və Almaniya Beynəlxalq Əməkdaşlıq Cəmiyyətinin (GİZ) “Cənubi Qafqazda Yaxşı Yerli Özünü İdarəetmə Proqramı” üzrə qrup rəhbəri Gerald Duda ilə görüşüb.

            Görüşlərdə qonaqlara “ASAN xidmət” mərkəzlərinin yaradılması məqsədləri, fəaliyyət istiqamətləri,  innovasiyaların tətbiqi  barədə məlumat verilib.  Eyni zamanda Dövlət Agentliyi ilə səmərəli əməkdaşlıq  və “ASAN xidmət” modelinin digər ölkələrdə tətbiqi ilə bağlı birgə fəaliyyət məsələlələri müzakirə olunub.

            Bildirilib ki, bu günədək 28 milyondan çox vətəndaş müraciəti qeydə alınıb. Bundan başqa vurğulanıb ki, ”ASAN xidmət” Birləşmiş Millətlər Təşkilatının 2015-ci il Dövlət Xidmətləri Mükafatına (United Nations Public Service Award 2015) layiq görülüb.

             Qonaqlara, həmçinin cari ilin iyun ayında ölkəmizdə təşkil olunacaq BMT Dövlət Xidmətləri Forumu barədə məlumat verilib.  

           


Tarix: 25-04-2019 18:09